Cin News

देशभरि नै चुनावको तामझाम सुरू भएको छ । उम्मेदवार तथा राजनीतिक दलहरू युवाहरूलाई केन्द्रीत गर्दै रोजगारीको आश्वासन दिइरहेका छन् । अघिल्लो निर्वाचनमा पनि दलहरूले यसैगरी आश्वासन दिएका थिए । चुनावको मुखैमा रोजगारीको खोजीमा विदेश जाने युवाहरू घटेका छैनन् । बझाङको बित्थडचिर गाउँपालिकाका सन्तोस बोहराको मतदाता नामावलीमा नाम छ । तर उहाँ रोजगारीको खोजीमा भारत हिँड्नुभयो । उहाँलाई स्थानीय तह निर्वाचनमा मनोनयन दर्ता गाराएकाहरूले भारत नजान भन्दै थिए । तर उहाँका लागि उम्मेद्वारको आश्वासनभन्दा काम ठूलो भएको छ । बैतडी पाटन नगरपालिका १० का ३२ वर्षका धर्मराज भट्ट भारतमा रोजगारी गर्दै आउनुभएको छ । पटकपटक भोट हाल्नुभएका उहाँले यसअघि पनि युवाहरूलाइ रोजगारी दिने नारा धेरै सुन्नुभयो । तर व्यवहारमा कार्यान्वयनमा आएन । स्थानीय तहका जनप्रतिनिधिले ५ वर्षसम्म युवा लक्षित काम गर्न नसकेको र वेरोजगारीको अवस्था कम नभएको भन्दै युवाहरू चिन्तित भएका    छन् । देशको विकासभन्दा पनि आफ्नो विकासमा जनप्रतिनिधि केन्द्रीत देखिएकाले मतदान नगरी रोजगारीका लागि भारत जान बाध्य भएको डडेल्धुराका अर्जुन ओझाको गुनासो छ । स्थानीय तह निर्वाचनको मिति नजि